तरुणाईच्या मनातलं
चंचल अल्लड मातीत
बीज उद्याचं रुजलेलं
अस्तित्वाच्या मायेत
अवलंबाने भिजलेलं
रंग त्याचे गं पाहुनी
लगी लाजली ती अवनी
मला म्हणालं
काल समजलं
सांगतो थोडा कळलेलं
तरुणाईच्या मनातलं 1
अनुभवाने उभ राहिलं
झाड आपुल्या पायांवर
थंडी वारा सोशियले
पाउस घेत अंगावर
मन त्याचं हरवलेलं
भूतकाळात सापडलं
मला म्हणालं
काल उमगलं
लगबग लगबग उलगडलं
तरुणाईच्या मनातलं 2
बाल असो वा वृद्ध असो
कुमार असो वा तरुण दिसो
तारुण्य मनी स्फुरलेलं
प्रत्येकामध्ये लपलेलं
तारुण्याचा फुलात बंध
निर्माल्याला आणि गंध
कवी सांगतो
ह्या कवितेतुनी
मनात तुमच्या दडलेलं
तरुणाईच्या मनातलं 3
प्रणव कानिटकर
No comments:
Post a Comment