नंदादीप
अंबराच्या कुपीतुनी अर्थ मेघी ओथंबला
इंद्रधनुच्या साथीने नंदादीप उजळला
ममतेच्या कुशीतुनी वात्सलेच्या स्पर्शातूनी
मातृत्वाच्या भावातुनी नंदादीप जन्मियला
मूर्ती मनाने लाघवी वृत्ती नावाला गाजवी
त्या तुझ्या नेत्रपल्लवी नंदादीप ओझरला
पाकळीच्या ओंजळीने ओटी धरेची थाटली
गोजिऱ्या सुवासिनीने नंदादीप ओवाळला
प्रांजल्या पानांवरती दवबिंदू विस्तावले
अस्तराच्या लाखीतुनी नंदादीप चकाकला
प्रणव कानिटकर
No comments:
Post a Comment